Udas rut ' Intizar mosam
Hawa he yakh-basta ahton se paray
Khmoshi ki zard chadar badan per or'rhay
Khazan raseeda shajr ki tehni pe jhulta chand keh raha hai
K soo b jao..!
K soo b jao Udas Logo..!!
Wo anjmun jis ki jilmilati tumam shamein
Tamam ratain
Tamam batain
Kabhi tumhari mohabton se bhare zamanon ki terjuman thin
Kabhi tumhare tamam lamhon pe mehrban thin
Wo anjmun ab tumhari sochon se dur
Khawabon ki daskaton se paree saje gi
Wahan pe nobt nahi baje gi
Kabhi tumhare badan ki khushbo se khailti thi jo raat-rani
Wo hijr k adh-khule darechay main hanptay hue
Akhri saans le rehi hai
Udas Logo..!!
Ujar ankhon k a'ainee tor'r do k in main
Na koi aks nigar-e-hasti
Na koi basti hi basa sako gey
Bas ik mata-e-hiyat baqi hai ab jisse tum
Gunwa sako gey
To is se pehle k aans ki doori toot jae hawa ki hatheli se
Khushboon ka her aik rishta hi toot jae
Kiran kawar'ron ko band ker k
Ujar khawabon ki rahguzr ka gubar aankhon main berh k
Har soo hawa k hathon bikhr bikhr k
Khud apne ander k dukh ki matti main khoo b jao..!
Hawa Ye Kehti Hai Soo b Jao
Udas Rut
Intizar Mosam
Kabhi Kisi K Na Ho Sakain Gain
Udas Logo..!!

Kia pochtay ho Kon Hain Hum ?

Hum tou wo log hain jo
Na kisi k dast-e-shumar main hain
Na kisi ki nigah k hisar main hain
Youn jaise koi ho sadion ka be-ant safar
Sehra sehra phirta koi khaak-e-basr
Kia pochte ho k kon hain hum?j
Jaan lo humain to tumhain maloom ho
Hum to wo log hain jo jeeven day ker bi
Kisi k dil main maskan na bana paee
Youn jaise koi madham si kiran
Kisi rozan se ubhre' aur doob jaye
Jaise aik na mehsoos si chubhan
Jo zindagi k seene main' sada dair tak
Chubhti hi rahe' dil ki dharkan se baghawat karay
Aur dar charhay
Kia batlain hum kon thay aur kia hain ab
K hum to kisi ki yaad main nahi hain yaar se
Kisi ki rooh main dharkte hue dildar se
Hum to jugno bhi nahi hain
K kisi ki aankh main chamkte
kisi ko sanwatre
Hum to aansoo ki tareh hain
Aankh se tapke aur doob gaye
Ghar se nikle---aur
Be simat musafat main"mohabbat" ki aas main
Dar-badar phirte huee
Kisi be-nam shaam ki nazer huee
Aik musalsal aur dukh raah ka safar huee
IK Musalsal Aur Dukh Raah Ka Safar!!!

Kisi ko alwida kehna Bohat takleef daita hai

Umeedain toot jati hain

Yakeen pay bay yakeeni ka kehar kuch aisa charta hai

Deakhiea kuch nahi daita,subhaiee kuch nahi daita

DUA k lafz hontoon pay musalsal kapkapatay hain

Kisi khawish k andashay Zehan main door jatay hain

Gumaan kuch aisa hota ha K jaisay mil na pian gain

Ya gehray zakham furkat k kisi say sil na pian gain

Kabhi aisa bhi ho YARAB

Duaian maan laita hai

Tu koi mojza kar day tu aisa kar bhi sakta hai

Meray haathoon ki janib deakh tu unko bhar bhi sakta hai

Judai ki ya teekhi dhaar diloon ko khoon karti hai

Judai ki aaziyat sayMera dil ab bhi darta hai

Judai do ghari ki ho tu koi dil ko behliea

Judai char pal ki ho tu koi dil ko behliea

Judai umar bhar ki ho Tu koi chara karay koi

K ab milnay ki hasrat main bhala kub tak jiea koi

Meray mola karam kar day tu aisa kar bhi sakta hai

Meray haathoon ki janib deakh tu unko bhar bhi sakta ha ....!!!

Ur pain is the breaking shellthat encloses your understanding......!!